रेवती नगर येथे दुसऱ्या एक्स्पिरियन्स सेंटरच्या सुरूवातीसह होमलेनची नागपुरमधी उपस्थिती अधिक दृढ

नागपूर : भारतातील आघाडीची तंत्रज्ञान आणि एआय-सक्षम गृहअंतर्गत सजावट ब्रँड होमलेनने रेवती नगर येथे नागपूरमधील विद्यमान एक्स्पिरियन्स सेंटरला पूरक ठरणाऱ्या आपल्या दुसऱ्या एक्स्पिरियन्स सेंटरचे उद्घाटन करून शहरातील आपली उपस्थिती आणखी दृढ केली आहे.

या भागात होमलेनच्या इंटिरिअर सोल्युशन्सची वाढती मागणी लक्षात घेऊन हा विस्तार करण्यात आला असून त्यामुळे अधिक घरमालकांपर्यंत पोहोचणे आणि त्यांच्यासाठी सुसंघटित, डिझाइन-केंद्रित व विश्वासार्ह गृहअंतर्गत सजावटीची समाधाने अधिक सुलभ करणे शक्य होणार आहे. हे उद्घाटन उदयोन्मुख शहरी केंद्रांमध्ये होमलेनच्या विस्ताराच्या आणखी एका टप्प्याचे प्रतीक असून उच्च वाढीच्या गैर-मेट्रो बाजारांमध्ये आपली उपस्थिती अधिक मजबूत करण्याच्या कंपनीच्या व्यापक वचनबद्धतेचे प्रतिबिंब आहे. फ्रँचायझी-स्वामित्व आणि फ्रँचायझी-संचालित (एफओएफओ) (Franchise-Owned, Franchise-Operated - FOFO) व्यवसाय मॉडेलच्या आधारे कंपनी उदयोन्मुख शहरी केंद्रांमध्ये आपला विस्तार सातत्याने वाढवत असून यावर्षी 100 स्टुडिओंपर्यंत पोहोचण्याचे त्यांचे लक्ष्य आहे. सुमारे 2000 चौरस फूट क्षेत्रफळ असलेला रेवती नगर स्टुडिओ घरमालकांना संपूर्ण आणि अनुभवप्रधान इंटिरिअर डिझाइनचा प्रवास उपलब्ध करून देतो. ग्राहकांना येथे मॉड्युलर किचन, वॉर्डरोब्स आणि संपूर्ण घरासाठीच्या इंटिरिअर सोल्युशन्सची प्रत्यक्ष पाहणी करता येते. अत्यंत वास्तवदर्शी डिस्प्लेमधून विविध डिझाइन्स अनुभवता येतात, उच्च दर्जाच्या साहित्याची प्रत्यक्ष माहिती मिळते आणि तंत्रज्ञानाधारित सल्लामसलतीच्या माध्यमातून काम सुरू होण्यापूर्वीच आपल्या स्वप्नातील घराचे चित्र डोळ्यांसमोर उभे करता येते. हा स्टुडिओ इंटिरिअर डिझाइन प्रक्रियेतील सर्व टप्पे एकाच छताखाली उपलब्ध करून देत असून संकल्पनेपासून ते अंतिम अंमलबजावणीपर्यंत वैयक्तिक मार्गदर्शनही प्रदान करतो. हे एक्स्पिरियन्स सेंटर राहुल पाठक यांच्या भागीदारीसह सुरू करण्यात आले आहे. होमलेनच्या तंत्रज्ञानाधारित कार्यपद्धतीला आणि स्थानिक बाजारपेठेच्या सखोल ज्ञानाला एकत्र आणून व्यावसायिक इंटिरिअर डिझाइन सेवा स्थानिक रहिवाशांसाठी अधिक सुलभ आणि सहज उपलब्ध करून देण्याचा या उपक्रमाचा उद्देश आहे. ह्या उद्घाटन सोहळ्याला महाराष्ट्रातील नागपूर महानगरपालिकेच्या माननीय महापौर सौ. नीता ठाकरे या प्रमुख पाहुण्या म्हणून उपस्थित होत्या. याशिवाय होमलेनचे वरिष्ठ अधिकारी आणि प्रदेशातील प्रमुख व्यावसायिक नेतेही या कार्यक्रमाला उपस्थित होते. ह्या लॉन्चबाबत होमलेनचे सह-संस्थापक आणि मुख्य कार्यकारी अधिकारी (COO) तनुज चौधरी म्हणाले: “नागपूर ही आमच्यासाठी एक महत्त्वाची वाढीची बाजारपेठ आहे कारण घरमालकांकडून त्यांच्या घरांच्या अंतर्गत सजावटीसाठी अधिक पारदर्शकता, निश्चितता आणि व्यावसायिक अंमलबजावणीची अपेक्षा वाढत आहे. असंघटित कंत्राटदारांच्या अनिश्चिततेपासून ग्राहक दूर जात असताना प्रक्रियेतील प्रत्येक टप्प्यातील अडथळे दूर करणे हे आमचे उद्दिष्ट आहे. आमच्या एआयचे सहकार्य असलेल्या डिझाइन क्षमता, आगाऊ किंमत निर्धारण मॉडेल आणि समर्पित प्रकल्प व्यवस्थापन सहाय्य थेट नागपूरमध्ये उपलब्ध करून देत आम्ही घरांच्या रूपांतरणाची प्रक्रिया अधिक सोपी, सुरळीत आणि विश्वासार्ह बनवत आहोत.”

होमलेनचे भागीदार राहुल पाठक म्हणाले: “नागपूरमधील गृहअंतर्गत सजावटीचा अनुभव अधिक उंचावण्यासाठी होमलेनसोबत भागीदारी करताना आम्हांला खूप आनंद होत आहे. हे एक्स्पिरियन्स सेंटर स्थानिक घरमालकांना संपूर्ण इंटिरिअर सोल्युशन्स, विश्वासार्ह अंमलबजावणी आणि सुसंघटित व व्यावसायिक टीममुळे मिळणारी संपूर्ण मनःशांती प्रदान करते.” रेवती नगर केंद्र स्पेसक्राफ्ट या होमलेनच्या मालकीच्या एआय-सक्षम प्लॅटफॉर्मद्वारे कार्यरत आहे. या प्लॅटफॉर्मच्या मदतीने घरमालकांना त्यांच्या घराच्या इंटिरिअरचे 3डी स्वरूपात दृश्य पाहता येते, तात्काळ किंमत अंदाज मिळतो आणि डिझाइनपासून प्रत्यक्ष अंमलबजावणीपर्यंतचा अखंड आणि सुलभ अनुभव घेता येतो. ग्राहकांना पारदर्शक किंमत रचना, 45 दिवसांत काम पूर्ण करण्याची हमी, साहित्यावर 10 वर्षांची वॉरंटी आणि संपूर्ण प्रकल्प व्यवस्थापनाचे सहाय्य यांचाही लाभ मिळतो. होमलेनबद्दल माहिती: 2014 मध्ये प्रस्थापित करण्यात आलेली होमलेन ही भारतातील आघाडीची तंत्रज्ञान आणि एआय-सक्षम गृहअंतर्गत सजावट ब्रँड म्हणून विकसित झाली आहे. कंपनी वैयक्तिक गरजांनुसार आणि व्यावसायिक पद्धतीने संपूर्ण इंटिरिअर सेवा पुरवते. तंत्रज्ञानाचा प्रभावी वापर आणि ग्राहकांच्या समाधानावर विशेष भर देत होमलेनने 51 शहरांतील 83 एक्स्पिरियन्स सेंटर्सच्या माध्यमातून 55,000 हून अधिक ग्राहकांना यशस्वीपणे सेवा दिली आहे. कंपनीला एक्सेल, पीक XV, वेस्टब्रिज, पिडीलाईट आणि एमएस धोनी यांसारख्या नामांकित गुंतवणूकदारांचा पाठिंबा आहे. आम्हांला भेट द्या: होमलेन रेवती नगर, 5 वा मजला, प्रोग्रेस प्लाझा, प्लॉट क्रमांक 53, रेवती नगर, बेसा, नागपूर, महाराष्ट्र – 440037.