कॅन्सर उपचारात आणखी एक महत्वपूर्ण उपलब्धी: एओआय नांगिया स्पेशालिटी हॉस्पिटलने हॅल्सियन आणि ट्रूबीम रेडिएशन तंत्रज्ञानासह ब्रॅकीथेरपी सेवा सुरु

नागपूर : एओआय नांगिया स्पेशालिटी हॉस्पिटलने आज एओआय ऑन्कोलॉजी कॉन्क्लेव्ह 2025 मध्ये आपली अत्याधुनिक ब्रॅकीथेरपी सेवा सुरू असल्याची घोषणा केली. हे मध्य भारतात सर्वसमावेशक आणि उच्च दर्जाच्या कॅन्सर उपचारांच्या दृष्टीने हॉस्पिटलच्या ध्येयातील आणखी एक महत्त्वाचा टप्पा आहे.

हॅल्सियन आणि ट्रूबीम सारख्या प्रगत रेडिएशन मशीनसह आधीच सुसज्ज असलेल्या एओआय नांगिया स्पेशालिटी हॉस्पिटलमध्ये अतिशय अचूक बाह्य बीम रेडिएशन थेरपी दिली जाते. ब्रॅकीथेरपी सेवा सुरू झाल्यामुळे, आता हॉस्पिटल रेडिएशन उपचारांची संपूर्ण सेवा एकाच ठिकाणी उपलब्ध करून देते, ज्यामुळे रुग्णांना त्वरित, अचूक, परवडणारे आणि उच्च दर्जाचे कॅन्सर उपचार त्यांच्या घराजवळ मिळेल. ब्रॅकीथेरपी म्हणजे काय? ब्रॅकीथेरपी ही रेडिएशन थेरपीची एक लक्षित पद्धत आहे, ज्यात रेडियोधर्मी सोर्स थेट ट्यूमराच्या आत किंवा जवळ ठेवला जातो. यामुळे डॉक्टरांना कॅन्सर पेशींना उच्च मात्रेतील रेडिएशन थेट देणे शक्य होते आणि आसपासच्या निरोगी ऊतींना होणारी हानी कमी होते. ही पद्धत गर्भाशय ग्रीवा, गर्भाशयाचा कॅन्सर, प्रोस्टेट कॅन्सर, स्तन कॅन्सर आणि काही डोके व गळ्याच्या कॅन्सरसाठी अत्यंत प्रभावी आहे, तसेच ब्रॅकीथेरपीमुळे एकूण उपचाराचा कालावधी कमी होतो. श्री दिलीप मांगसुली, चेअरमन, सीटीएसआय ग्रुप, म्हणाले: “एओआय मध्ये आमचे ध्येय नेहमीच प्रगत कॅन्सर उपचार आणि परवडणारी सेवा यामधील अंतर कमी करण्याचे आहे. नागपूरमध्ये ब्रॅकीथेरपी सुरु केल्यामुळे, आम्ही मध्य भारतातील रुग्णांसमोर अत्यंत अचूक आणि प्रभावी रेडिएशन उपचार आणत आहोत. हे तंत्रज्ञान फक्त उपचाराची अचूकता वाढवत नाही, तर साइड इफेक्ट्स आणि एकूण उपचाराचा कालावधीही कमी करते, ज्यामुळे रुग्णांचा जीवनमान सुधारते. आमचे उद्दिष्ट म्हणजे कोणत्याही रुग्णाला अत्याधुनिक कॅन्सर सेवा मिळवण्यासाठी लांब अंतर प्रवास करावा लागू नये किंवा आर्थिक अडचणींचा सामना करावा लागू नये. एओआय नांगिया स्पेशालिटी हॉस्पिटलमध्ये ब्रॅकीथेरपीची सुरू करणे हे जागतिक दर्जाचे कॅन्सर उपचार सर्वांसाठी सुलभ आणि सहानुभूतिशील बनवण्याच्या दिशेने एक महत्त्वाचा टप्पा आहे.” श्री महेश नांगिया, प्रमोटर, नांगिया स्पेशालिटी हॉस्पिटल, म्हणाले“नंगिया स्पेशालिटी हॉस्पिटलमध्ये, आमचा उद्देश नेहमीच नागपूर आणि आसपासच्या भागात जागतिक दर्जाचे कॅन्सर उपचार उपलब्ध करून देण्याचा राहिला आहे, जेणेकरून रुग्णांना प्रगत उपचारासाठी लांब प्रवास करावा लागू नये. ब्रॅकीथेरपीसारख्या अत्याधुनिक तंत्रज्ञानासह, तसेच आमच्या कुशल डॉक्टरांच्या शस्त्रक्रिया, वैद्यकीय आणि रेडिएशन ऑन्कोलॉजीतल्या तज्ज्ञतेमुळे, आम्ही खऱ्या अर्थाने संपूर्ण कॅन्सर उपचार एकाच ठिकाणी देऊ शकतो. आमचे लक्ष नेहमीच रुग्णांना उत्कृष्ट उपचार देणे, सहानुभूतिशील सेवा आणि प्रत्येक रुग्ण व कुटुंबासाठी आशा निर्माण करणे आहे.”

डॉ. हृषिकेश फाटे, झोनल डायरेक्टर – महाराष्ट्र आणि छत्तीसगड, यांनी सांगितले:“ब्रॅकीथेरपीच्या सुरुवातीसह, एओआय नांगिया स्पेशालिटी हॉस्पिटल आता एकाच ठिकाणी संपूर्ण रेडिएशन थेरपीची सेवा उपलब्ध करून देते. हा टप्पा केवळ आमच्या सर्वसमावेशक कॅन्सर उपचार क्षमतेला मजबूत करत नाही, तर या भागातील रुग्णांजवळ जागतिक दर्जाचे उपचार पोहोचवण्याच्या आमच्या वचनबद्धतेला देखील बळकट करतो. आमच्या तज्ज्ञ अनुभवी ऑन्कोलॉजिस्ट टीम आणि अत्याधुनिक तंत्रज्ञानाच्या मदतीने, आम्हाला खात्री आहे की आम्ही रुग्णांचे वैद्यकीय परिणाम सुधारू शकू, रुग्णांना अधिक सोयीस्कर उपचार देऊ शकू आणि त्यांच्या जीवनमानात सुधारणा करू शकू.” रेडिएशन ऑन्कोलॉजी टीमचे डॉ. चांदनी होतवानी, डॉ. मनीष माथनकर आणि डॉ. आशिष भांगे यांनी सांगितले, “हॅल्सियन आणि ट्रूबीम तंत्रज्ञानामुळे अचूक बाह्य रेडिएशन उपचार शक्य झाले आहेत आणि ब्रॅकीथेरपीच्या सुरुवातीसह आता आमची संपूर्ण रेडिएशन थेरपीची साधने पूर्ण झाली आहेत. आता रुग्ण नागपुरमध्येच संपूर्ण प्रगत रेडिएशन उपचार जलद, अचूक आणि सर्वसमावेशक पद्धतीने मिळवू शकतात. आमचे उद्दीष्ट म्हणजे साइड इफेक्ट्स कमी करत उपचाराची यशस्वीता वाढवणे, जेणेकरून रुग्ण फक्त जास्त दिवस जगत नाहीत तर अधिक चांगले जीवन जगू शकतात.” एओआय नांगिया स्पेशालिटी हॉस्पिटलमध्ये कॅन्सरच्या सर्व विभागातील तज्ज्ञ डॉक्टर एकत्र येतात, जेणेकरून रुग्णांना खऱ्या अर्थाने सर्वांगीण उपचार मिळू शकेल. डॉ. रामाकांत तायडे, सिनियर सर्जिकल ऑन्कोलॉजिस्ट, म्हणाले:“कॅन्सर उपचारात शस्त्रक्रियेबरोबर रेडिएशन हे अत्यंत महत्त्वाचे आहे. ब्रॅकीथेरपी उपलब्ध झाल्यामुळे रुग्ण एकत्रित आणि बहुविभागीय उपचारांचा लाभ घेऊ शकतात आणि त्याचे परिणाम अधिक चांगले मिळू शकतात डॉ. सत्यम सत्यार्थ आणि डॉ. प्रसन्ना देशमुख, मेडिकल ऑन्कोलॉजिस्ट, ने कहा:“ब्रॅकीथेरपीसारख्या नवकल्पना केमोथेरपी, टार्गेटेड थेरपी आणि इम्युनोथेरपीसारख्या प्रणालीगत उपचारांसोबत अत्यंत महत्त्वाच्या ठरतात. एकत्रितपणे, आम्ही प्रत्येक रुग्णासाठी अचूक आणि प्रभावी उपचार योजना तयार करू शकतो.” डॉ. शैलेश बांबोर्डे, बीएमटी स्पेशालिस्ट, म्हणाले:“ब्रॅकीथेरपीसारख्या प्रगत रेडिएशन पर्यायांचा बोन मॅरो ट्रान्सप्लांट (बीएमटी) उपचार घेत असलेल्या रुग्णांसाठी कंडिशनिंग आणि सहाय्यक उपचारांमध्ये महत्त्वपूर्ण भूमिका आहे, जे अधिक सुरक्षित आणि प्रभावी परिणाम सुनिश्चित करतात.” डॉ. रोहित काकडे, कन्सल्टंट – न्यूक्लियर मेडिसिन, म्हणाले:“ “ब्रॅकीथेरपीच्या सुरूवातीसह पीईटी-सीटी आणि न्यूक्लियर इमेजिंगचा समावेश झाल्यामुळे, एओआय कॅन्सरचा शोध आणि उपचार दोन्हीमध्ये अतुलनीय अचूकता देते, ज्यामुळे रुग्णाच्या आरोग्यात खरी सुधारणा होते.” एओआय नांगिया स्पेशालिटी हॉस्पिटलबद्दल एओआय नांगिया स्पेशालिटी हॉस्पिटल हे नागपूरमधील 100-बेडचे सर्वसमावेशक कॅन्सर उपचार केंद्र आहे, जे मध्य भारतातील रुग्णांसाठी प्रगत, संपूर्ण आणि परवडणारे उपचार देण्यास समर्पित आहे. हॉस्पिटलमध्ये हॅल्सियन आणि ट्रूबीम आणि ब्रॅकीथेरपीसारख्या अत्याधुनिक रेडिएशन तंत्रज्ञानासह, न्यूक्लियर मेडिसिन आणि पीईटी-सीटी इमेजिंग सुविधा उपलब्ध आहेत, ज्यामुळे अचूक निदान आणि प्रभावी उपचार योजना सुनिश्चित होते. या रुग्णालयातील बहुविभागीय तज्ज्ञ टीम शस्त्रक्रियात्मक ऑन्कोलॉजी, वैद्यकीय ऑन्कोलॉजी, रेडिएशन ऑन्कोलॉजी, न्यूक्लियर मेडिसिन आणि बोन मॅरो ट्रान्सप्लांटमध्ये तज्ज्ञ आहे, ज्यामुळे हे हॉस्पिटल या भागातील काहीच अशा हॉस्पिटलपैकी एक आहे जिथे संपूर्ण कॅन्सर उपचार एकाच ठिकाणी मिळते.